Post Office RD Scheme 2026 |आपल्यापैकी प्रत्येकजण आयुष्यात रक्ताचं पाणी करून कष्ट करतो, ते फक्त आपल्या कुटुंबाचं भविष्य सुरक्षित करण्यासाठी. मुलांचं शिक्षण असो, लेकीचं लग्न असो किंवा स्वतःचं म्हातारपण, ऐनवेळी कोणासमोर हात पसरण्याची वेळ येऊ नये असं प्रत्येकालाच वाटतं. पण महागाईच्या काळात बचत करायची तरी कशी, हा प्रश्न सामान्य माणसाला नेहमीच सतावतो. जर तुम्हीही अशाच एका सुरक्षित आणि खात्रीशीर गुंतवणुकीच्या शोधात असाल, तर भारतीय पोस्टाची ‘रिकरिंग डिपॉझिट’ (RD) योजना तुमच्यासाठी एक मोठा आधार ठरू शकते.
पोस्टाच्या या योजनेत गुंतवणूक करणं खूप सोपं आहे. तुम्ही दिवसाला फक्त ४०० रुपये बाजूला काढले, तरी भविष्यात तुमच्या हातात तब्बल २० लाख रुपयांचा मोठा निधी पडू शकतो. सध्याच्या काळात बँकांचे व्याजदर कमी-जास्त होत असताना, पोस्ट ऑफिस तुम्हाला ६.७० टक्के इतका चांगला व्याजदर देत आहे. विशेष म्हणजे, तुम्ही अगदी १०० रुपये भरूनही हे खातं उघडू शकता. तुमच्या घरात १० वर्षांच्या आतील मुलं असतील, तर त्यांच्या नावानेही हे खातं सुरू करून पालकांना ते चालवता येतं. मुलांच्या उज्ज्वल भविष्यासाठी ही एक मोठी गुंतवणूक ठरू शकते.
आता तुम्ही म्हणाल की २० लाख रुपये नक्की मिळणार कसे? तर त्याचं गणित एकदम साधं आणि सोपं आहे. जर तुम्ही रोज ४०० रुपये वाचवले, तर महिन्याला तुमचे १२,००० रुपये जमा होतात. सलग १० वर्ष ही गुंतवणूक सुरू ठेवली, तर तुमची एकूण मुद्दल रक्कम १४.४० लाख रुपये होईल. त्यावर पोस्टाच्या व्याजाचे ६,१०,२४८ रुपये मिळून मॅच्युरिटीच्या वेळी तुमच्या हातात पूर्ण २०,५०,२४८ रुपये येतील. विचार करा, आज वाचवलेले छोटेसे पैसे उद्या तुमच्या आयुष्यातील एखादं मोठं स्वप्न पूर्ण करू शकतात.
शेवटी एक गोष्ट कायम लक्षात ठेवा, पैसा साठवणं ही फक्त गरज नाही तर ती एक शिस्त आहे. आज आपण चैनीवर खर्च होणारे काही रुपये वाचवले, तर उद्याच्या कठीण काळात हाच पैसा आपल्या पाठीशी खंबीरपणे उभा राहतो. सरकारी योजना असल्याने यात तुमची छदाम न् छदाम सुरक्षित आहे, त्यामुळे कसलाही विचार न करता आजच पोस्टाची पायरी चढा आणि आपल्या कुटुंबाच्या भविष्याची पायाभरणी करा.