पोस्ट ऑफिसची भन्नाट योजना सुरू, आता या नागरिकांना मिळणार नाद खुळा व्याज

Post Office Scheme: गेल्या काही महिन्यांपासून रिझर्व्ह बँक ऑफ इंडियाने रेपो रेटमध्ये सलग कपात केल्यामुळे सर्वसामान्य गुंतवणूकदार चांगलाच गोंधळलेला आहे. कारण एकीकडे महागाई आहे खर्च वाढत आहेत आणि दुसरीकडे बँकांच्या फिक्स डिपॉझिटवर मिळणारं व्याज मात्र दिवसेंदिवस कमी होत चाललं आहे. अनेक राष्ट्रीयकृत आणि खासगी बँकांनी एफडीचे दर खाली आणल्यामुळे सुरक्षित गुंतवणूक कुठे करावी हा प्रश्न पुन्हा एकदा ऐरणीवर आला आहे. अशा परिस्थितीत पोस्ट ऑफिसच्या बचत योजना पुन्हा चर्चेत आल्या आहेत आणि त्यातच केंद्र सरकारने जानेवारी ते मार्च 2026 या तिमाहीसाठी पोस्ट ऑफिसच्या सर्व लघुबचत योजनांचे नवे व्याजदर जाहीर केल्याने गुंतवणूकदारांचे लक्ष याकडे वेधले गेले आहे. Post Office Scheme

केंद्र शासनाने 31 डिसेंबर 2025 रोजी हे नवे व्याजदर जाहीर केले असून महत्त्वाची बाब म्हणजे आरबीआयकडून रेपो रेट कपात सुरू असतानाही पोस्ट ऑफिसच्या बहुतांश योजनांमध्ये व्याजदर कायम ठेवण्यात आले आहेत. त्यामुळे सुरक्षित आणि खात्रीशीर परताव्याच्या शोधात असणाऱ्या नागरिकांसाठी पोस्ट ऑफिसच्या योजना सध्या अधिक फायदेशीर ठरताना दिसत आहेत. या सर्व योजना केंद्र सरकारच्या अखत्यारीतील असून पोस्ट ऑफिसमार्फत देशभर राबवल्या जातात, त्यामुळे यामध्ये गुंतवणूक करताना जोखीम अत्यंत कमी मानली जाते.

महिलांसाठी खास असलेली महिला सन्मान बचत प्रमाणपत्र योजना सध्या 7.5 टक्के व्याज देत आहे. या योजनेत फक्त महिलांनाच गुंतवणूक करता येते आणि पोस्ट ऑफिससोबतच काही निवडक सरकारी बँकांमध्येही ही सुविधा उपलब्ध आहे. विशेष म्हणजे रेपो रेटमध्ये कपात झाली असली तरी या योजनेच्या व्याजदरात कोणताही बदल करण्यात आलेला नाही, त्यामुळे महिलांसाठी ही योजना अजूनही सुरक्षित आणि आकर्षक ठरत आहे.

त्याचप्रमाणे राष्ट्रीय बचत प्रमाणपत्र (NSC) या योजनेत 7.7 टक्के व्याज दिलं जात आहे. ही योजना केवळ सुरक्षितच नाही तर आयकर कायद्यानुसार करसवलतीचा लाभ देणारी असल्यामुळे मध्यमवर्गीय गुंतवणूकदारांमध्ये ही योजना कायम लोकप्रिय राहिली आहे. भविष्यासाठी नियोजन करणाऱ्या कुटुंबांसाठी ही योजना आजही एक विश्वासार्ह पर्याय मानली जाते.

पोस्ट ऑफिसची आणखी एक लोकप्रिय योजना म्हणजे मासिक उत्पन्न योजना. या योजनेत सध्या 7.4 टक्के व्याज दिलं जात असून या योजनेचा मोठा फायदा म्हणजे गुंतवणूकदारांना दर महिन्याला निश्चित उत्पन्न मिळतं. निवृत्तीनंतर नियमित उत्पन्न हवं असणाऱ्या नागरिकांसाठी ही योजना मोठ्या प्रमाणात वापरली जाते.

मुलींच्या भविष्यासाठी सुरू करण्यात आलेली सुकन्या समृद्धी योजना मात्र सध्या सर्वाधिक व्याज देणाऱ्या योजनांपैकी एक ठरली आहे. या योजनेत 8.2 टक्के व्याज मिळत असून दहा वर्षांखालील मुलीच्या नावाने खाते उघडता येते. शिक्षण आणि लग्नासाठी दीर्घकालीन गुंतवणूक करण्यासाठी ही योजना अनेक पालकांची पहिली पसंती बनली आहे.

ज्येष्ठ नागरिकांसाठी असलेली सीनियर सिटीजन सेविंग स्कीम देखील सध्या 8.2 टक्के इतकं भरघोस व्याज देत आहे. 60 वर्षांवरील नागरिकांना या योजनेत गुंतवणूक करता येते तर स्वेच्छानिवृत्ती घेतलेल्या व्यक्तींना 55 वर्षांपासून आणि काही विशेष प्रकरणांमध्ये 50 वर्षांनंतरही या योजनेचा लाभ घेता येतो. सुरक्षित गुंतवणूक आणि चांगला परतावा यामुळे ही योजना ज्येष्ठ नागरिकांमध्ये मोठ्या प्रमाणावर पसंतीस उतरलेली आहे.

एकंदरीत पाहिलं तर बँकांच्या एफडीवर व्याज कमी होत असताना पोस्ट ऑफिसच्या बचत योजना सध्या अधिक स्थिर आणि फायदेशीर पर्याय ठरत आहेत. विशेषतः सुकन्या समृद्धी योजना आणि ज्येष्ठ नागरिक बचत योजना या दोन योजना सध्या सर्वाधिक 8.2 टक्के व्याज देत असल्यामुळे गुंतवणूकदारांसाठी या योजना आकर्षणाचा केंद्रबिंदू ठरत आहेत. मात्र गुंतवणूक करण्यापूर्वी आपल्या गरजेनुसार आणि कालावधीनुसार योग्य योजना निवडण्यासाठी जवळच्या पोस्ट ऑफिसमध्ये माहिती घेणं तज्ज्ञांकडून सुचवण्यात येत आहे.

(Disclaimer : वरील दिलेली माहिती ही प्रसारमाध्यमांच्या आधारे आहे याबाबत आम्ही कुठलाही दावा करत नाही.)