iPhone 17 Price Drop India | जर तुम्ही गेल्या अनेक दिवसांपासून नवा कोरा आयफोन घेण्याचं स्वप्न पाहत असाल, तर तुमच्यासाठी एक आनंदाची बातमी आहे. प्रसिद्ध रिटेल साखळी असलेल्या विजय सेल्सने आपल्या ग्राहकांसाठी ‘Apple Days Sale’ ची मुदत वाढवण्याचा मोठा निर्णय घेतला आहे. सणासुदीच्या काळात किंवा विशेष प्रसंगी स्वतःला किंवा आपल्या प्रिय व्यक्तीला Apple चं एखादं गॅजेट गिफ्ट करायचं राहून गेलं असेल, तर आता ती कसर भरून काढण्याची हीच खरी वेळ आहे.
या सेलमध्ये केवळ आयफोनच नाही, तर मॅकबुक, आयपॅड, अॅपल वॉच आणि एअरपॉड्सवरही भरघोस सवलत दिली जात आहे. मध्यमवर्गीय कुटुंबात एखादी मोठी वस्तू घेताना आपण बजेटचा दहावेळा विचार करतो, नेमकी हीच गरज ओळखून विजय सेल्सने बँक ऑफर्स आणि एक्सचेंज बोनसचा असा काही मेळ घातला आहे की, महागडा वाटणारा आयफोन आता सर्वसामान्यांच्या खिशाला परवडणारा झाला आहे.
बँक ऑफर्सचा असा घ्या फायदा
विजय सेल्सच्या या सेलमध्ये आयफोनच्या मॉडेल्सवर ICICI बँक आणि Axis बँक कार्ड वापरणाऱ्या ग्राहकांना ४,००० रुपयांपर्यंतचा इन्स्टंट डिस्काऊंट मिळत आहे. समजा तुमच्याकडे जुना फोन असेल आणि तो तुम्हाला बदलायचा असेल, तर एक्सचेंज ऑफरमध्ये तुम्हाला तब्बल ९,००० रुपयांपर्यंतची सूट मिळू शकते. यामुळे फोनची मूळ किंमत मोठ्या प्रमाणात कमी होते.
iPhone 17 आणि 16 वर जबरदस्त डील
सर्वात जास्त चर्चा रंगली आहे ती नवीन iPhone 17 ची. या फोनच्या २५६ GB व्हेरिएंटची मूळ किंमत ८२,९०० रुपये आहे, पण सेल आणि बँक ऑफर्स मिळून हा फोन तुम्ही केवळ ७८,९०० रुपयांत घरी नेऊ शकता. इतकंच नाही तर, iPhone 16 सिरीजची सुरुवात तर चक्क ५९,९९० रुपयांपासून झाली आहे. प्रोफेशनल फोटोग्राफी किंवा हाय-स्पीड परफॉर्मन्स हव्या असलेल्या लोकांसाठी iPhone 17 Pro आणि Pro Max वरही मोठी सूट आहे. १७ Pro आता १,२२,९९० रुपयांना तर Pro Max १,३५,९९० रुपयांना उपलब्ध आहे.
इतर उपकरणांवरही सवलतीचा पाऊस
केवळ फोनच नाही, तर ऑफिसचं काम सोपं करण्यासाठी मॅकबुक किंवा अभ्यासासाठी आयपॅड घेणाऱ्या विद्यार्थ्यांसाठीही हा सेल फायदेशीर ठरणार आहे. विशेष म्हणजे ‘iPhone Air’ (256GB) हा मॉडेल अवघ्या ९१,९९० रुपयांत उपलब्ध करून देण्यात आला आहे.
एकंदरीत पाहता, विजय सेल्सने मध्यमवर्गीय ग्राहकांच्या खिशाचा विचार करून ही ऑफर आणली आहे. जर तुम्हालाही या सवलतीचा लाभ घ्यायचा असेल, तर जवळच्या विजय सेल्स स्टोअरला भेट द्या किंवा त्यांच्या अधिकृत वेबसाईटवरून घरबसल्या बुकिंग करा. स्टॉक संपेपर्यंत ही ऑफर असल्याने उशीर करू नका, कारण अशा संधी पुन्हा पुन्हा येत नाहीत.