Market price of cotton: दिवसभरची धांदल संपवून बाजार समितीच्या आवारात माल टाकणाऱ्या शेतकऱ्यांच्या चेहऱ्यावर आज थोडा हसू दिसला. हंगामाच्या सुरुवातीपासून बाजारात जी घसरण चालू होती, त्याने अनेकांना रात्री झोप न उरली होती. पण गेल्या दोन–तीन दिवसांत दरात आलेली उसळी शेतकऱ्यांना थोडा श्वास देऊन गेली. विशेषत: अकोला, जालना आणि
आसपासच्या बाजारात कापसाने ८००० रुपयांचा टप्पा पार केला, ही गोष्ट शेतकऱ्यांच्या तोंडाला थोडा गोडवा देणारी ठरली. या वर्षी तरी दर काहीतरी आधार देणार का? हा प्रश्न मनात धरून दोन क्विंटलं माल घेऊन आलेल्या एका शेतकऱ्याने दर ऐकून लगेच म्हणालं चाललंय हं आता… अजून थोडं वाढलं तर मजा येईल. Market price of cotton
अकोला बाजारात आजचा सर्वसाधारण भाव जवळपास ७९०० वर गेला, तर जालन्यातही दर ७८०० च्या आसपास स्थिर राहिल्याचं चित्र होतं. सकाळपासून येणाऱ्या आवकितही चांगली चहलपहल दिसली. लोकांनी मागचा दोन महिने माल रोखून धरला होता, कारण सुरुवातीचे दर ६८००-७००० च्या घरात फिरत होते. पण आता बाजाराने दिलेली ही उसळी थेट शेतकऱ्यांच्या आत्मविश्वासाला हात देणारी ठरली आहे.
दुसरीकडे काही बाजारात अजूनही ७२००–७३०० च्या आसपासच दर स्थिर आहेत. उत्पादन खर्च वाढला, बोंडअळ्याचं संकट, खत-औषधांचा महागलेला खर्च… या सगळ्यांचा विचार केला तर ८००० च्या खाली मिळणारा दर फारसा फायद्याचा वाटत नाही, असं अनेक शेतकरी म्हणत होते. काही ठिकाणी माल घेऊन गेलेल्या शेतकऱ्यांनी स्पष्ट सांगितलं आता दर ८००० च्या वर दोन-तीन दिवस कायम राहिला तरच थोडं मन मोकळं होईल; नाहीतर अजूनही धोका आहे.
आजच्या दिवसाचे येणारे बाजारभाव पाहिले तर काही ठिकाणी ७००० च्या आसपासची मर्यादा कायम आहे, तर अनेक ठिकाणी ८००० पर्यंत ऊलटपालट झाली. फुलंब्री, वणी, सोनपेठ, वर्धा, खामगाव, वरोरा, हिंगणघाट या ठिकाणच्या बाजारात ७७०० ते ८०६० पर्यंत दर रेंज दिसून आली. विशेष म्हणजे वणी-शिंदोला येथे तर सर्वसाधारण भाव ८०४० वर थेट गेला, ज्यामुळे तिकडच्या शेतकऱ्यांनी समाधानाचा निःश्वास सोडला.
उमरेड, कटोल, पारशिवनी, अमरावती या भागात मात्र दर तुलनेने स्थिर आहेत. काही शेतकऱ्यांनी सांगितलं आमचा माल अजून टाकलेला नाही. दोन दिवस बाजार पाहून टाकतो. वाढती काहिशी खात्री झाली की मग माल विकू. अनेक जणांनी आजही हा निर्णय पुढे ढकलला.
एकूण चित्र बघता कापसात हळूहळू सुधारणा दिसते आहे, पण अजूनही पक्का दिलासा मिळाला असं म्हणता येणार नाही. बाजारातील खेळ, राजकीय हालचाली, आवक-जावक यांचा थेट असर दरावर पडणार आहे. पण आजचा दिवस शेतकऱ्यांच्या चेहऱ्यावर आलेलं थोडंसं समाधान दाखवून गेलाचालतंय… थोडं वाढू दे अजून.