Ladki Bahin Yojana: महाराष्ट्रातील लाखो महिलांसाठी दिलासादायक आणि महत्त्वाची बातमी समोर येत आहे. ‘मुख्यमंत्री माझी लाडकी बहीण’ योजनेअंतर्गत नोव्हेंबर आणि डिसेंबर २०२५ या दोन महिन्यांचा एकत्रित हप्ता लाभार्थी महिलांच्या खात्यात जमा होण्याची शक्यता आहे. प्रत्येकी ₹१५०० असे एकूण ₹३००० रुपये पुढील काही दिवसांत, म्हणजे साधारणपणे १५ डिसेंबरनंतर थेट बँक खात्यात जमा होऊ शकतात, अशी माहिती विविध सूत्रांकडून समोर येत आहे. Ladki Bahin Yojana
राज्यात ही योजना मोठ्या प्रमाणावर राबवली जात असून ग्रामीण, शहरी, कामगार, गृहिणी अशा सर्व स्तरातील महिलांना दरमहा ₹१५०० ची आर्थिक मदत दिली जाते. मात्र नोव्हेंबर आणि डिसेंबर महिन्याचे हप्ते अद्याप जमा न झाल्यामुळे महिलांमध्ये उत्सुकता आणि चिंता दोन्हीही होत्या. आता मात्र हे दोन्ही हप्ते एकत्र देण्याचा निर्णय सरकारकडून घेतला जाऊ शकतो, अशी जोरदार चर्चा सुरू आहे.
विशेष म्हणजे राज्यात लवकरच महापालिका निवडणुकांचा बिगुल वाजण्याची शक्यता आहे. या पार्श्वभूमीवर सरकारकडून महिलांना थेट दिलासा देण्यासाठी नोव्हेंबर-डिसेंबरचा एकत्रित हप्ता एकाच वेळी खात्यात जमा केला जाऊ शकतो, अशी शक्यता वर्तवली जात आहे. त्यामुळे अनेक महिलांच्या खात्यात एकदम ₹३००० जमा होण्याची शक्यता नाकारता येत नाही.
मात्र या हप्त्याबाबत अजूनही राज्य सरकारकडून कोणतीही अधिकृत घोषणा करण्यात आलेली नाही. तरीही प्रशासन स्तरावर तयारी सुरू असल्याची माहिती समोर येत आहे. त्यामुळे लाभार्थी महिलांनी घाबरून न जाता पुढील काही दिवस लक्ष ठेवावे, असा सल्ला दिला जात आहे.
दरम्यान, या योजनेचा हप्ता मिळण्यासाठी ई-केवायसी (e-KYC) अत्यंत महत्त्वाची ठरणार आहे. सरकारने ई-केवायसी पूर्ण करण्याची अंतिम मुदत वाढवून ३१ डिसेंबर २०२५ पर्यंत केली आहे. ज्या महिलांचे ई-केवायसी पूर्ण झालेले नाही, त्यांना हप्ता मिळण्यात अडचणी येऊ शकतात किंवा हप्ता थांबवला जाऊ शकतो. त्यामुळे सर्व लाभार्थी महिलांनी आपले ई-केवायसी वेळेत पूर्ण करणे आवश्यक आहे.
तसेच बँक खाते आधार कार्डशी जोडलेले आहे का, खाते सक्रिय आहे का, याची खात्री करून घेणेही तितकेच महत्त्वाचे आहे. अनेक वेळा केवायसी अपूर्ण, आधार लिंक नसणे किंवा खाते निष्क्रिय असल्यामुळे पैसे अडकतात, असे प्रशासनाकडून स्पष्ट करण्यात आले आहे.
याठिकाणी एक गोष्ट स्पष्ट करणे गरजेचे आहे की ‘मुख्यमंत्री माझी लाडकी बहीण योजना’ आणि ‘लेक लाडकी योजना’ या दोन वेगवेगळ्या योजना आहेत. लाडकी बहीण योजनेत १८ ते ६० वयोगटातील पात्र महिलांना दरमहा ₹१५०० दिले जातात, तर लेक लाडकी योजनेत मुलीच्या जन्मापासून ते १८ वर्षांपर्यंत शिक्षण आणि भविष्यासाठी टप्प्याटप्प्याने एकूण ₹१,०१,००० ची मदत दिली जाते.
एकूणच, लाडकी बहीण योजनेचा नोव्हेंबर-डिसेंबरचा ₹३००० चा एकत्रित हप्ता लवकरच खात्यात जमा होण्याची दाट शक्यता आहे. मात्र त्यासाठी महिलांनी आपले ई-केवायसी पूर्ण केले आहे का, नाव लाभार्थी यादीत आहे का, याची खात्री करून घेणे गरजेचे आहे. अधिकृत घोषणेसाठी सरकारच्या समाज कल्याण विभागाच्या सूचना आणि अधिकृत संकेतस्थळाकडे लक्ष ठेवण्याचे आवाहन करण्यात येत आहे.
(वरील सर्व माहिती ही प्रसारमाध्यमांच्या आधारे आहे)
हे पण वाचा | लाडक्या बहिणींच्या खात्यात खटाखट ₹3,000 येणार! महत्त्वाची बातमी समोर…