हवामान अभ्यासाक तोडकर यांचा मोठा इशारा; राज्यात या तारखेनंतर होणार अवकाळी पाऊस आणि गारपीट

IMD Weather News: राज्यात सध्या थंडीचा कडाका चांगलाच जाणवत असून सकाळच्या वेळेत अनेक भागांत धुरळी आणि धुक्याची चादर पसरलेली दिसत आहे. काही ठिकाणी रात्रीची थंडी चटके देणारी ठरत असताना, हवामान अभ्यासक तोडकर यांनी पुढील काही दिवसांबाबत महत्त्वाचा अंदाज वर्तवला आहे. त्यांच्या मते, २३ डिसेंबरनंतर थंडीचा जोर हळूहळू कमी होऊ लागेल आणि वातावरणात बदल जाणवू लागेल. सध्या बंगालच्या उपसागरातील घडामोडी आणि वेस्टर्न डिस्टर्बन्स सक्रिय असले तरी, या दोन्हींच्या ओढाताणीमुळे महाराष्ट्रात लगेच मोठ्या पावसाची शक्यता दिसत नाही. IMD Weather News

मात्र, वातावरण पूर्णपणे स्थिरही राहणार नाही. खानदेश आणि पश्चिम महाराष्ट्रातील काही भागांत ढगाळ हवामान टिकून राहण्याची शक्यता असून, अधूनमधून आकाश ढगांनी भरलेले राहू शकते. तरीसुद्धा, या टप्प्यावर जोरदार पाऊस किंवा व्यापक गारपीट होण्याचे संकेत कमी असल्याचे तोडकर सांगतात. त्यामुळे सध्या तरी नागरिकांनी आणि शेतकऱ्यांनी घाबरून जाण्याचे कारण नसले तरी, हवामानातील सूक्ष्म बदलांकडे दुर्लक्ष करून चालणार नाही.

पुढील दोन महिने, म्हणजे जानेवारीच्या अखेरपर्यंत, राज्यात हवामान मुख्यत्वे कोरडे राहण्याचा अंदाज व्यक्त करण्यात आला आहे. या काळात थंडी अधूनमधून जाणवत राहील, पण सतत पावसाची परिस्थिती निर्माण होणार नाही. मात्र फेब्रुवारी महिना वेस्टर्न डिस्टर्बन्ससाठी पोषक ठरू शकतो. याच काळात काही भागांत वादळी वाऱ्यासह हलका पाऊस किंवा स्थानिक स्वरूपाची गारपीट होण्याची शक्यता नाकारता येत नाही. त्यामुळे फेब्रुवारीच्या उत्तरार्धात वातावरण अचानक बदलण्याची शक्यता असून, ही स्थिती मार्चच्या सुरुवातीपर्यंत जाणवू शकते.

या बदलत्या हवामानाचा थेट परिणाम पिकांवर होण्याची भीती व्यक्त केली जात आहे. विशेषतः द्राक्ष आणि कांदा उत्पादक शेतकऱ्यांनी या काळात अधिक सतर्क राहण्याचा सल्ला देण्यात आला आहे. धुके आणि जास्त आर्द्रतेमुळे पिकांवर बारीक काळे ठिपके, बुरशीजन्य रोग किंवा मच्छर आणि किडींचा प्रादुर्भाव वाढू शकतो. त्यामुळे फवारणी, पाणी व्यवस्थापन आणि काढणीचे नियोजन हवामान पाहून करणे अत्यंत महत्त्वाचे ठरणार आहे.

उन्हाळ्याबाबत बोलायचे झाल्यास, यंदाचा उन्हाळा सरासरीपेक्षा अधिक कडक आणि तापदायक राहण्याचे संकेत मिळत आहेत. तापमानाचा पारा लवकरच वर चढण्याची शक्यता असून, उन्हाळ्याच्या उत्तरार्धात वादळी पावसाचे प्रमाण वाढू शकते. तोडकर यांनी यावेळी निसर्गाच्या तीन वर्षांच्या मान्सून पॅटर्नचा उल्लेख करत सांगितले आहे की, २०२६ चा पावसाळा खंड-खंड स्वरूपाचा असला तरी एकूण पावसाचे प्रमाण समाधानकारक राहील. विशेष म्हणजे परतीचा पाऊस यंदा चांगलाच जोर धरू शकतो, अशी शक्यताही त्यांनी व्यक्त केली आहे.

शेतकऱ्यांसाठी महत्त्वाची बाब म्हणजे ५ मार्च रोजी २०२६ च्या मान्सूनचा सविस्तर आणि अधिकृत अंदाज जाहीर केला जाणार आहे. तोपर्यंत सध्याच्या काळात मोठ्या पावसाची तातडीची चिंता नसली तरी, बदलत्या थंडीच्या लाटा, ढगाळ वातावरण आणि संभाव्य आवकाळी स्थिती लक्षात घेऊन शेतीची कामे नियोजनबद्ध पद्धतीने करणे आवश्यक ठरणार आहे. पुढील काही वर्षे नैसर्गिक परिस्थिती तुलनेने अनुकूल राहण्याचे संकेत असले, तरी २०२७ मध्ये एल-निनोचा प्रभाव वाढू शकतो, असा इशाराही तोडकर यांनी दिला आहे.