आजपासून ‘या’ राशींचं नशीब बदलणार! सूर्याच्या पदगोचरामुळे पैसा, प्रसिद्धी आणि प्रतिष्ठेचे दरवाजे उघडणार

Horoscope 2026: सध्या प्रत्येक जण आपापल्या आयुष्यात एकच गोष्ट शोधतोय स्थैर्य. मेहनत करूनही अपेक्षित यश मिळत नाही, पैसा हातात टिकत नाही, नाव-प्रतिष्ठा असूनही समाधान नाही… अशा परिस्थितीत आता सूर्यदेवांचा एक महत्त्वाचा बदल अनेकांच्या आयुष्यात मोठी उलथापालथ घडवून आणणार आहे. पंचांगानुसार २२ डिसेंबर २०२५ रोजी संध्याकाळी ठीक ५ वाजून ३४ मिनिटांनी सूर्य मूळ नक्षत्राच्या तृतीय पदामध्ये प्रवेश करणार आहे. हा बदल केवळ खगोलशास्त्रीय नाही, तर अनेक राशींसाठी नशिबाचा टर्निंग पॉईंट ठरणार आहे. Horoscope 2026

ज्योतिषशास्त्रात सूर्याला आत्मा, तेज, सत्ता, मान-सन्मान आणि पित्याचा कारक ग्रह मानले जाते. ज्यांच्या कुंडलीत सूर्य मजबूत असतो, त्या व्यक्ती आयुष्यात कधीच मागे राहत नाहीत. निर्णयक्षमता, नेतृत्वगुण, आत्मविश्वास हे गुण आपोआप वाढतात. त्यामुळे सूर्याचं नक्षत्र पद बदलणं म्हणजे अनेकांच्या आयुष्यात नवं पर्व सुरू होण्यासारखंच आहे.

सध्या सूर्य मूळ नक्षत्रात असून या नक्षत्राचा स्वामी केतू आहे. त्यामुळे आतापर्यंत अनेकांना गोंधळ, विलंब, अडथळे जाणवत होते. मात्र आता सूर्य मूळ नक्षत्राच्या तिसऱ्या पदात प्रवेश करताच परिस्थिती हळूहळू स्पष्ट होऊ लागणार आहे. पैसा, काम, मान-सन्मान या सगळ्या गोष्टी मार्गावर येतील, असे संकेत ज्योतिषांकडून दिले जात आहेत.

या गोचराचा सर्वाधिक फायदा काही राशींना होणार आहे.

सिंह राशीच्या लोकांसाठी हा काळ अक्षरशः सुवर्णसंधी घेऊन येणार आहे. सूर्य हा सिंह राशीचा स्वामी असल्याने या गोचराचा प्रभाव थेट आणि जोरदार जाणवेल. उत्पन्नात लक्षणीय वाढ होईल. थांबलेले पैसे मिळू शकतात. नवे उत्पन्नाचे स्रोत सुरू होतील. जमीन, घर किंवा वाहन खरेदीचा योग जुळून येऊ शकतो. गुंतवणूक केली असेल तर त्यातून चांगला परतावा मिळण्याची शक्यता आहे. समाजात मान-सन्मान वाढेल आणि तुमचं बोलणं लोक गांभीर्याने घेतील.

वृश्चिक राशीच्या लोकांसाठी सूर्याचं हे पदगोचर आयुष्यात मोठा बदल घडवणार आहे. कामाच्या ठिकाणी तुमची मेहनत दिसू लागेल. व्यवसायात अपेक्षित यश मिळेल. उत्पन्न वाढेल आणि आर्थिक तणाव कमी होईल. बेरोजगारांसाठी नोकरीची संधी चालून येऊ शकते, तर नोकरदारांना पदोन्नती किंवा जबाबदारीची मोठी संधी मिळेल. विशेष म्हणजे वडिलांशी असलेले गैरसमज दूर होतील आणि कौटुंबिक वातावरण सकारात्मक बनेल.

कन्या राशीच्या लोकांसाठी हा काळ अचानक लाभ देणारा ठरणार आहे. ज्याची अपेक्षाही केली नव्हती, तिथून पैसे मिळू शकतात. अडकलेली कामं एकामागोमाग एक पूर्ण होतील. आत्मविश्वास वाढेल. घरासाठी, सुखसोयींसाठी खर्च होईल, पण तो खर्च आनंद देणारा असेल. नोकरीत पदोन्नती, पगारवाढ किंवा बदलाची संधी मिळू शकते. कुटुंबासोबत प्रवासाचे योगही तयार होत आहेत.

धनु राशीच्या लोकांसाठी सूर्याचं हे नक्षत्र पद परिवर्तन समाधान आणि स्थैर्य घेऊन येणार आहे. आर्थिक स्थिती सुधारेल. जुनी कर्जं फेडण्याचा मार्ग मोकळा होईल. घरासाठी किंवा इलेक्ट्रॉनिक वस्तू खरेदीची इच्छा पूर्ण होईल. कुटुंबात शुभकार्याचे योग आहेत. आरोग्य सुधारेल आणि मानसिक तणाव कमी होईल. व्यवसाय करणाऱ्यांना नवीन संधी मिळतील आणि मनातल्या अनेक इच्छा हळूहळू पूर्ण होत जातील.

थोडक्यात सांगायचं झालं तर, सूर्याचं हे पदगोचर अनेकांच्या आयुष्यात अंधारातून प्रकाशाकडे नेणारं ठरणार आहे. मेहनत, प्रामाणिकपणा आणि संयम ठेवलेल्यांना आता फळ मिळायला सुरुवात होईल. पैसा, प्रतिष्ठा आणि आत्मविश्वास तिन्ही गोष्टी एकत्र येण्याचा हा काळ आहे.

(टीप – वरील माहिती ही ज्योतिषशास्त्रावर आधारित असून केवळ वाचकांच्या माहितीसाठी दिली आहे.)

हे पण वाचा | आजपासून ‘या’ राशीच्या लोकांचा सुवर्णकाळ सुरू होणार! या नवीन योगामुळे या 3 राशींना 100% लाभ होणार