Angaraki Chaturthi : नवीन वर्ष सुरू होऊन काहीच दिवस झालेत, पण अनेकांच्या मनात अजूनही मागच्या वर्षाच्या आठवणी घर करून बसल्यात. २०२५ मध्ये कुणाला नोकरीचा ताण, कुणाला आर्थिक अडचणी तर कुणाला सतत अपयशाचा सामना करावा लागला. आपलं नशीब कधी बदलेल? हा प्रश्न अनेकांना सतावत आहे. मात्र ज्योतिषशास्त्र सांगतंय की ६ जानेवारी २०२६ हा दिवस काही लोकांसाठी खरंच आयुष्य बदलणारा ठरू शकतो. Angaraki Chaturthi
कारण या दिवशी येते अंगारकी चतुर्थी. बाप्पाचा असा दिवस जो साधा नसतो. अंगारकी चतुर्थी म्हणजे मंगळवारची गणेश चतुर्थी आणि या दिवशी केलेली प्रार्थना थेट फळ देणारी मानली जाते. यंदा तर या दिवशी ग्रहांचीही खास जुळवाजुळव होत आहे. सूर्य आणि शुक्र यांच्या युतीमुळे तयार होणारा पॉवरफुल दृष्टी योग अनेक राशींच्या नशिबात मोठा बदल घडवू शकतो असं ज्योतिष तज्ज्ञ सांगतात. शेतात बी पेरल्यावर जसं काही दिवसांनी रोप उगवतं तसंच ६ जानेवारीपासून काही राशींच्या आयुष्यात हळूहळू पण ठाम बदल सुरू होणार आहेत. विशेषतः तीन राशींसाठी हा काळ नवं पर्व घेऊन येणारा ठरू शकतो.
वृषभ : अडकलेली चाकं पुन्हा फिरू लागणार
वृषभ राशीच्या लोकांसाठी अंगारकी चतुर्थी दिलासा देणारी ठरू शकते. गेले काही महिने आर्थिक अडचणी, रखडलेली कामं आणि मनातली अस्वस्थता यामुळे त्रास होत होता. पण ६ जानेवारीनंतर चित्र बदलू शकतं. अपूर्ण इच्छा पूर्ण होण्याचे संकेत आहेत. पैशांच्या बाबतीत अडलेली गणितं हळूहळू सुटू लागतील. आरोग्याच्या तक्रारींमध्येही सुधारणा जाणवेल. अभ्यास करणाऱ्या विद्यार्थ्यांना लक्ष केंद्रित करता येईल आणि मेहनतीचं फळ मिळू शकतं. बाप्पाच्या कृपेने आत्मविश्वास परत येईल असा हा काळ आहे.
तूळ : मेहनतीचं चीज होणार नुकसान भरून निघणार
तूळ राशीच्या लोकांसाठी ही अंगारकी चतुर्थी नवी उमेद घेऊन येणारी आहे. नोकरी करणाऱ्यांना कामात उत्साह जाणवेल, वरिष्ठांकडून कौतुक मिळण्याची शक्यता आहे. वेळेवर काम पूर्ण होईल आणि मनावरचा ताण कमी होईल. स्वतःचा व्यवसाय करणाऱ्यांना जोडीदाराचा आणि कुटुंबाचा पाठिंबा मिळेल. मागच्या वर्षी जे नुकसान झालं होतं ते हळूहळू भरून निघू शकतं. आपण चुकीच्या वाटेवर तर नाही ना असा प्रश्न मनात येत असेल, तर ६ जानेवारीनंतर योग्य दिशा मिळेल, असं ज्योतिषीय संकेत सांगतात.
मीन : पैसा कुटुंब आणि समाधान; तिन्ही गोष्टी जुळून येणार मीन राशीच्या लोकांसाठी अंगारकी चतुर्थीपासून चांगल्या दिवसांची सुरुवात होऊ शकते. मित्रांच्या मदतीने नवी संधी मिळू शकते काही जण गुंतवणुकीचा विचार करतील. उत्पन्न वाढण्याचे योग आहेत. घरात वातावरण आनंदाचं राहील वैवाहिक जीवनात तणाव जाणवणार नाही. जोडीदार आणि मुलांसोबत फिरण्याचे, सहलीचे बेत ठरू शकतात. आरोग्याच्या बाबतीतही समाधानकारक स्थिती राहील. मन शांत राहील आणि हेच या काळाचं सर्वात मोठं यश ठरेल.
एकूण काय तर ६ जानेवारीची अंगारकी चतुर्थी ही फक्त सण नाही, तर अनेकांसाठी नवा अध्याय सुरू करणारा दिवस ठरू शकतो. बाप्पावर श्रद्धा ठेवा, मन स्वच्छ ठेवा आणि मेहनत सोडू नका. कारण नशीब बदलायला सुरुवात झाली, की योग्य संधी आपोआप चालून येतात, असं जुने लोक सांगून गेलेत.
( Disclaimer: वरील दिलेली माहिती ही प्रसारमाध्यमांच्या आधारे आहे याबाबत आम्ही कुठलाही दावा करत नाही)
हे पण वाचा | सूर्याच्या महादशेमुळे ‘या’ राशींचे आयुष्य बदलणार; पुढील ६ वर्षांत पैसा, प्रतिष्ठा आणि स्थैर्य मिळण्याचे योग..