Beneficiary Status: नवीन वर्षाच्या सुरुवातीलाच देशातील कोट्यवधी शेतकऱ्यांसाठी एक महत्त्वाची बातमी समोर येत आहे. महाराष्ट्रासह संपूर्ण देशात पीएम किसान सन्मान निधी योजनेचा लाभ घेणाऱ्या शेतकऱ्यांचे लक्ष आता पुढील हप्त्याकडे लागले आहे. कारण, पीएम किसानच्या २२ व्या हप्त्याबाबत चर्चांना वेग आला असून, हा हप्ता कधी जमा होणार याबाबत वेगवेगळे अंदाज व्यक्त केले जात आहेत.
पीएम किसान सन्मान निधी योजना केंद्र सरकारने २०१९ मध्ये सुरू केली. या योजनेअंतर्गत पात्र शेतकऱ्यांना दरवर्षी ६ हजार रुपयांची आर्थिक मदत दिली जाते. ही रक्कम तीन टप्प्यांत, म्हणजेच प्रत्येकी २ हजार रुपयांचे हप्ते थेट शेतकऱ्यांच्या बँक खात्यात जमा केली जाते. आतापर्यंत या योजनेचा लाभ देशातील कोट्यवधी शेतकऱ्यांना झाला असून, अनेक शेतकऱ्यांसाठी ही रक्कम शेतीच्या खर्चासाठी आधार ठरत आहे. Beneficiary Status
आतापर्यंत २१ हप्त्यांचे वितरण पूर्ण
पीएम किसान योजनेअंतर्गत आतापर्यंत एकूण २१ हप्ते वितरित करण्यात आले आहेत. योजनेचा २१ वा हप्ता नोव्हेंबर महिन्यात शेतकऱ्यांच्या खात्यात जमा झाला होता. त्यामुळे आता स्वाभाविकच, शेतकऱ्यांना २२ व्या हप्त्याची प्रतीक्षा आहे. विशेष म्हणजे हा हप्ता नवीन वर्षात मिळण्याची शक्यता वर्तवली जात असल्याने, शेतकऱ्यांमध्ये उत्सुकता वाढली आहे.
अर्थसंकल्पानंतर हप्ता जमा होण्याची शक्यता
१ फेब्रुवारी २०२६ पासून केंद्र सरकारचा अर्थसंकल्पीय अधिवेशन सुरू होणार आहे. दरवर्षीप्रमाणे यंदाही अर्थसंकल्प सादर झाल्यानंतर काही योजनांचे लाभ थेट लाभार्थ्यांच्या खात्यात जमा केले जातात. याच पार्श्वभूमीवर, पीएम किसानचा २२ वा हप्ता अर्थसंकल्पानंतर लगेचच जमा होऊ शकतो, असा अंदाज काही प्रसारमाध्यमांकडून व्यक्त केला जात आहे. मात्र, सध्या तरी केंद्र सरकार किंवा कृषी विभागाकडून याबाबत कोणतीही अधिकृत घोषणा करण्यात आलेली नाही.
रकमेवाढीबाबतही चर्चांना उधाण
दरम्यान, पीएम किसान योजनेच्या वार्षिक रकमेबाबतही चर्चा सुरू आहेत. सध्या मिळणारी ६ हजार रुपयांची मदत वाढवून ती १२ हजार रुपये करण्याचा प्रस्ताव केंद्र सरकारच्या विचाराधीन असल्याचे सांगितले जात आहे. येत्या केंद्रीय मंत्रिमंडळाच्या बैठकीत यावर निर्णय होऊ शकतो, असेही काही अहवालांमध्ये नमूद करण्यात आले आहे. मात्र, या बाबतही अद्याप अधिकृत शिक्कामोर्तब झालेले नाही.
शेतकऱ्यांनी अधिकृत वेबसाईटवर लक्ष ठेवावे
महत्त्वाची बाब म्हणजे पीएम किसानचा कोणताही हप्ता जारी करण्यापूर्वी त्याचे अधिकृत नोटिफिकेशन पीएम किसान योजनेच्या संकेतस्थळावर प्रसिद्ध केले जाते. सध्या तरी २२ व्या हप्त्याचे नोटिफिकेशन वेबसाईटवर उपलब्ध नाही. त्यामुळे शेतकऱ्यांनी अफवांवर विश्वास न ठेवता, अधिकृत घोषणेकडे लक्ष देणे आवश्यक आहे.
एकंदरीत पाहता, नववर्षाच्या सुरुवातीलाच पीएम किसान लाभार्थ्यांसाठी आनंदाची बातमी मिळण्याची शक्यता आहे. अर्थसंकल्पात योजनेच्या रकमेवाढीबाबत काही ठोस निर्णय होतो का, आणि २२ वा हप्ता नेमका कधी शेतकऱ्यांच्या खात्यात जमा होतो, याकडे आता संपूर्ण देशातील शेतकऱ्यांचे लक्ष लागले आहे.