Ladki Bahin Yojana: राज्यातील लाखो महिलांसाठी सुरू करण्यात आलेली लाडकी बहीण योजना ही अनेक कुटुंबांसाठी आधाराची काठी ठरली आहे. घरखर्च, औषधपाणी, मुलांचे शिक्षण किंवा छोट्या गरजा भागवण्यासाठी महिलांना दरमहा मिळणारा हा हप्ता महत्त्वाचा असतो. मात्र, नोव्हेंबर महिना संपून गेला, आता डिसेंबरही शेवटच्या टप्प्यात आला तरीही महिलांच्या खात्यात पैसे जमा झालेले नाहीत, त्यामुळे लाभार्थी महिलांमध्ये चिंतेचे वातावरण आहे.
हप्ता का रखडला?
लाडकी बहीण योजनेचा नोव्हेंबरचा हप्ता अद्याप खात्यात जमा न झाल्याने अनेक महिला दररोज बँकेत फेऱ्या मारत आहेत. “आज येतील, उद्या येतील” या अपेक्षेवर दिवस जात आहेत. नोव्हेंबरनंतर आता डिसेंबरचा हप्तादेखील पुढे ढकलला जाण्याची शक्यता वर्तवली जात आहे. त्यामुळे दोन महिन्यांचे पैसे एकत्र मिळणार की आणखी उशीर होणार, हा प्रश्न महिलांना सतावत आहे.
तीन महिन्यांचे पैसे एकत्र येणार? ₹४५०० बद्दल मोठी चर्चा
सध्या चर्चेला उधाण आलं आहे ते म्हणजे नोव्हेंबर, डिसेंबर आणि जानेवारी असे तीनही महिन्यांचे पैसे एकत्र मिळणार का? जर तसे झाले, तर एकूण ₹४५०० रुपये महिलांच्या खात्यात जमा होण्याची शक्यता आहे. सूत्रांकडून मिळालेल्या माहितीनुसार, मकरसंक्रांतीपूर्वी म्हणजेच १४ जानेवारीच्या आसपास हा निधी जमा होऊ शकतो, अशी शक्यता व्यक्त केली जात आहे.
मकरसंक्रांती हा सण आनंदाचा, नव्या सुरुवातीचा मानला जातो. त्यामुळे सरकारकडून या सणाच्या मुहूर्तावर लाडक्या बहिणींना दिलासा देण्याची शक्यता नाकारता येत नाही. मात्र, याबाबत अजून कोणतीही अधिकृत घोषणा करण्यात आलेली नाही, हे लक्षात घेणे तितकेच महत्त्वाचे आहे. Ladki Bahin Yojana
हे पण वाचा| लाडक्या बहिणींसाठी उपमुख्यमंत्री एकनाथ शिंदेंची मोठी घोषणा…
KYC केली नसेल तर पैसे अडकू शकतात – शेवटचे ७ दिवस महत्त्वाचे
लाडकी बहीण योजनेत KYC करणे बंधनकारक करण्यात आले आहे. अनेक महिलांनी अजूनही ही प्रक्रिया पूर्ण केलेली नाही. ३१ डिसेंबर ही KYC करण्याची अंतिम तारीख आहे. जर वेळेत KYC केली नाही, तर हप्ता मिळण्यात अडचण येऊ शकते किंवा पैसे थांबू शकतात. म्हणून सर्व लाभार्थी महिलांनी बँक, CSC सेंटर किंवा संबंधित पोर्टलवर जाऊन तात्काळ KYC पूर्ण करणे अत्यंत आवश्यक आहे.
थोडा संयम ठेवा, पण आवश्यक कामे वेळेत करा
लाडकी बहीण योजना ही महिलांसाठी दिलासा देणारी योजना आहे. हप्ता उशिरा मिळत असला, तरी पैसे मिळणार नाहीत असे नाही. मात्र, KYC सारख्या प्रक्रियेकडे दुर्लक्ष केल्यास स्वतःचं नुकसान होऊ शकतं. आज अनेक महिला या पैशांवर अवलंबून आहेत. त्यामुळे सरकारकडून लवकरच अधिकृत घोषणा होईल आणि लाडक्या बहिणींच्या खात्यात एकत्रित हप्ता जमा होईल, अशी अपेक्षा आहे.
आता महिलांनी फक्त एक काम करायचं KYC वेळेत पूर्ण करायची आणि अधिकृत अपडेटची वाट पाहायची. मकरसंक्रांतीला खरंच लाडक्या बहिणींना गोड बातमी मिळते का, हे पाहणं महत्त्वाचं ठरणार आहे.
1 thought on “लाडक्या बहिणीच्या खात्यात या दिवशी येणार 4,500 रुपये; 3 हप्त्याचे पैसे एकत्र मिळणार..”