Mazi Ladki Bahin Yojana: नवीन वर्षाच्या सुरुवातीलाच मुख्यमंत्री लाडकी बहीण योजनेबाबत एक मोठी चर्चा सुरू झाली असून, त्यामुळे राज्यातील लाखो महिलांचे लक्ष वेधले गेले आहे. मागील काही दिवसांपासून “डिसेंबर आणि जानेवारीचा हप्ता एकत्र येणार का?” असा प्रश्न प्रत्येक लाडक्या बहिणीच्या मनात आहे. नोव्हेंबर महिन्याचे १५०० रुपये आधीच महिलांच्या खात्यात जमा झाले असून, त्यानंतर आता पुढील हप्त्याबाबत उत्सुकता वाढली आहे. घरखर्च, सणासुदीची तयारी आणि वाढती महागाई यामुळे हा हप्ता महिलांसाठी अत्यंत महत्त्वाचा ठरणार आहे.
डिसेंबरचा हप्ता कधी मिळणार, याबाबत अद्याप अधिकृत घोषणा नसली तरी सध्या जोरदार चर्चा सुरू आहे की डिसेंबर आणि जानेवारी हे दोन्ही हप्ते एकत्र दिले जाऊ शकतात. जर तसे झाले, तर महिलांच्या खात्यात थेट ३००० रुपये जमा होण्याची शक्यता व्यक्त केली जात आहे. विशेष म्हणजे मकरसंक्रांतीच्या सणाच्या आसपास, म्हणजेच १४ जानेवारी रोजी हा हप्ता जमा होऊ शकतो, असा अंदाज लावला जात आहे. सणाच्या मुहूर्तावर महिलांना दिलासा देण्याची सरकारची भूमिका असू शकते, अशीही चर्चा आहे.
या चर्चांना आणखी बळ मिळण्याचं कारण म्हणजे येत्या काही दिवसांत होणाऱ्या महापालिका निवडणुका. १४ आणि १५ जानेवारीदरम्यान निवडणुकांची शक्यता असून, त्याआधी महिलांच्या खात्यात पैसे जमा झाले, तर तो एक मोठा राजकीय संदेश मानला जाईल. त्यामुळे मकरसंक्रांतीचा सण आणि निवडणुकीपूर्वीचा काळ, या दोन्ही गोष्टी लक्षात घेता महिलांना “डबल गिफ्ट” मिळण्याची शक्यता नाकारता येत नाही. मात्र, सध्या तरी ही सर्व माहिती चर्चेपुरतीच मर्यादित असून, सरकारकडून अधिकृत शिक्कामोर्तब झालेलं नाही.
दरम्यान, या योजनेतून काही महिलांचा लाभ बंद होणार असल्याची माहितीही समोर आली आहे. ज्या महिलांनी अद्याप केवायसी प्रक्रिया पूर्ण केलेली नाही, त्यांना पुढील हप्त्यांपासून वंचित राहावे लागू शकते. केवायसीसाठी दिलेली मुदत संपली असून, तरीही लाखो महिलांनी ही प्रक्रिया पूर्ण केलेली नसल्याचं सांगितलं जात आहे. त्यामुळे अशा महिलांच्या खात्यात पुढील महिन्यांचे पैसे जमा होणार नाहीत, हे स्पष्ट करण्यात आलं आहे. Mazi Ladki Bahin Yojana
लाडकी बहीण योजना ही अनेक महिलांसाठी आधारवड ठरली आहे. घरात पतीचे अपुरे उत्पन्न, शेतीवर अवलंबून असलेली कमाई किंवा रोजंदारीवर चालणारा संसार अशा परिस्थितीत दरमहा मिळणारे १५०० रुपये महिलांना मोठा दिलासा देतात. त्यामुळे ३००० रुपयांचा एकत्रित हप्ता मिळाला, तर तो केवळ आर्थिक मदत नसून सणासुदीच्या काळात महिलांच्या चेहऱ्यावर हास्य आणणारा ठरेल. आता सर्वांच्या नजरा सरकारच्या अधिकृत घोषणेकडे लागल्या असून, लाडक्या बहिणींना खरंच मकरसंक्रांतीला हा आनंदाचा धक्का मिळतो का, हे पाहणं महत्त्वाचं ठरणार आहे.