Post Office Scheme घर चालवताना मुलांचं शिक्षण, उद्याचं भविष्य आणि अचानक येणाऱ्या अडचण या सगळ्यात प्रत्येक कुटुंबप्रमुखाच्या मनात एकच प्रश्न असतो आपण साठवलेला पैसा सुरक्षित आहे का? विशेषतः जेव्हा बचत पत्नीच्या नावाने करायची असते, तेव्हा कुठलाही धोका नको, पैसे बुडू नयेत आणि खात्रीशीर परतावा मिळावा, अशीच सगळ्यांची इच्छा असते. अशा वेळी अनेकजण बँकांपेक्षा पोस्ट ऑफिसकडे वळतात, कारण पोस्टाची गुंतवणूक म्हणजे थेट सरकारी हमी. Post Office Scheme
भारतीय डाकघराची टाइम डिपॉझिट (Post Office TD Scheme) योजना ही आजही मध्यमवर्गीय आणि ग्रामीण भागातील लोकांची सर्वात विश्वासाची गुंतवणूक मानली जाते. बाजारात रोज शेअर, म्युच्युअल फंड, क्रिप्टो यांची चर्चा असते, पण आपला कष्टाचा पैसा सुरक्षित हवा असेल तर पोस्ट ऑफिसचा पर्याय अजूनही मजबूत आहे. इथे ना चढ-उताराची भीती, ना फसवणुकीची धास्ती.
या योजनेत 1 वर्षांपासून ते 5 वर्षांपर्यंत पैसे गुंतवता येतात. सध्या पोस्ट ऑफिस टाइम डिपॉझिटवर 1 वर्षासाठी 6.9 टक्के, 2 वर्षांसाठी 7.0 टक्के, 3 वर्षांसाठी 7.1 टक्के आणि 5 वर्षांसाठी तब्बल 7.5 टक्के इतकं व्याज दिलं जातं. विशेष म्हणजे या खात्यासाठी फक्त 1000 रुपयांपासून सुरुवात करता येते आणि गुंतवणुकीची कोणतीही कमाल मर्यादा नाही.
आता थेट मुद्द्यावर येऊया. समजा, एखाद्या कुटुंबाने आपल्या पत्नीच्या नावाने पोस्ट ऑफिसमध्ये 1 लाख रुपये 24 महिन्यांसाठी, म्हणजेच 2 वर्षांच्या मुदतीसाठी गुंतवले. सध्या लागू असलेल्या 7 टक्के वार्षिक व्याजदरानुसार, या रकमेवर 2 वर्षांत साधारण 14,888 रुपये व्याज मिळते. म्हणजेच 2 वर्ष पूर्ण झाल्यावर पत्नीच्या खात्यात एकूण 1,14,888 रुपये जमा होतील.
घरात कपाटात किंवा खात्यात नुसते पडून राहणारे पैसे जसेच्या तसेच राहतात, पण पोस्ट ऑफिसमध्ये ठेवले तर ते हळूहळू वाढतात. फार मोठा नफा नसला तरी इथे मिळणारी गोष्ट म्हणजे शांत झोप कारण पैसा सुरक्षित आहे, सरकारची हमी आहे आणि ठरलेल्या वेळेत व्याजासह परत मिळणार याची पूर्ण खात्री असते.
आजकाल जास्त व्याजाच्या आमिषाने अनेकजण खासगी कंपन्या, अॅप्स किंवा संशयास्पद स्कीममध्ये पैसे टाकतात आणि नंतर फसवणूक झाल्यावर हातावर हात ठेवून बसतात. पण पोस्ट ऑफिसमध्ये अशी कोणतीही जोखीम नसते. ही केंद्र सरकारची योजना असल्याने पैसे बुडण्याचा प्रश्नच येत नाही.
म्हणूनच जर तुम्ही पत्नीच्या नावाने सुरक्षित बचत करण्याचा विचार करत असाल, मुलांचं भविष्य किंवा एखादं ध्येय डोळ्यासमोर ठेवून पैसे साठवायचे असतील, तर पोस्ट ऑफिस टाइम डिपॉझिट योजना हा अजूनही विश्वासू आणि शहाणा पर्याय ठरतो. आज घेतलेला हा छोटासा निर्णय उद्या मोठ्या कामी येऊ शकतो.