Shani Budh Gochar: काही ग्रहयोग असे असतात की ते फक्त कुंडलीत नाही, तर थेट माणसाच्या आयुष्यात बदल घडवून आणतात. असाच एक दुर्मिळ आणि शक्तिशाली योग तब्बल ३० वर्षांनंतर पुन्हा एकदा तयार झाला आहे. शिस्त, मेहनत आणि कर्माचा कारक शनी आणि बुद्धी, व्यापार व निर्णयक्षमता दर्शवणारा बुध – या दोघांची युती सध्या ज्योतिषविश्वात चर्चेचा विषय ठरत आहे.
वैदिक ज्योतिषशास्त्रानुसार, २३ डिसेंबर रोजी शनी आणि बुध यांच्यात १०० अंशांचे अंतर तयार झाले, आणि याच अंतरामुळे निर्माण झाला आहे ‘शतंक योग’. इंग्रजीत यालाच Centile Combination असे म्हटले जाते. हा योग अत्यंत दुर्मिळ मानला जातो आणि योग्य वेळी घडल्यास तो आयुष्यात मोठे बदल घडवू शकतो.
सध्या शनी मीन राशीत विराजमान असून जून २०२७ पर्यंत तिथेच राहणार आहे. शनीची ताकद या काळात जरी कमी असली, तरी बुधासोबतची ही युती काही राशींना अचानक पैसा, प्रसिद्धी, करिअरमध्ये झेप आणि मानसिक स्थैर्य देणारी ठरू शकते. हे संपूर्ण राशीभविष्य चंद्र राशीवर आधारित आहे. चला तर मग जाणून घेऊया, कोणत्या राशींसाठी हा शतंक योग ठरणार आहे आयुष्य बदलणारा…
धनु रास – रखडलेली स्वप्नं पूर्ण होण्याची वेळ
धनु राशीच्या लोकांसाठी हा काळ एखाद्या नव्या पहाटेसारखा ठरू शकतो. गेल्या अनेक दिवसांपासून जी कामं अडकून पडली होती, ती आता एकामागोमाग एक पूर्ण होताना दिसतील. पैशांबाबतची चिंता हळूहळू दूर होईल आणि मनावरचं ओझं हलकं होईल.बुध लग्नाच्या घरात आणि शनी चौथ्या घरात असल्यामुळे घर, जमीन, वाहन किंवा भौतिक सुखसोयींशी संबंधित लाभ होऊ शकतो. समाजात तुमचा मान-सन्मान वाढेल. लोक तुमच्या मताला किंमत देतील.
बुद्धी अधिक तीव्र होईल, निर्णयक्षमता वाढेल आणि त्यामुळे तुम्ही भविष्यासाठी योग्य पावलं उचलू शकाल. या काळात एखादा मोठा करार, व्यवसायिक संधी किंवा नोकरीत प्रोजेक्ट मिळण्याचीही शक्यता आहे. आरोग्य उत्तम राहील आणि शरीरात नवचैतन्य जाणवेल. Shani Budh Gochar
मकर रास – मेहनतीचं सोनं होणार
मकर राशीच्या लोकांसाठी हा शतंक योग म्हणजे मेहनतीचं चीज होण्याचा काळ. तुम्ही आतापर्यंत जे कष्ट घेतले, त्याचे परिणाम आता स्पष्टपणे दिसू लागतील. करिअरमध्ये वरिष्ठांकडून कौतुक होईल, नवीन जबाबदाऱ्या मिळतील आणि त्यातूनच प्रगतीची नवी दारं उघडतील.
उत्पन्नाचे नवीन स्रोत सुरू होऊ शकतात, त्यामुळे आर्थिक स्थैर्य वाढेल. समाजात तुमची ओळख मजबूत होईल. लोक तुमच्याकडे आदराने पाहतील. प्रेमजीवनातही गोडवा येईल. जोडीदारासोबत वेळ घालवण्याची संधी मिळेल, सहल किंवा प्रवासाचे योग येऊ शकतात. नात्यातील गैरसमज दूर होतील आणि भावनिक जवळीक वाढेल.
सिंह रास – पैसा, प्रवास आणि प्रगतीचा संगम
सिंह राशीसाठी हा काळ अनेक अर्थांनी महत्त्वाचा ठरू शकतो. बुध चौथ्या घरात असल्यामुळे घरगुती सुख, स्थावर मालमत्ता किंवा वाहनाशी संबंधित लाभ संभवतात. अचानक आर्थिक फायदा होऊ शकतो, ज्याची तुम्ही अपेक्षाही केली नसेल. करिअरमध्ये प्रगतीचे संकेत स्पष्ट दिसत आहेत. कामानिमित्त प्रवास करावा लागू शकतो, आणि हाच प्रवास भविष्यात तुमच्यासाठी फायदेशीर ठरेल. गुंतवणूक करण्यासाठी हा काळ अनुकूल मानला जात आहे, मात्र निर्णय विचारपूर्वक घ्या. जोडीदारासोबतचे संबंध अधिक मजबूत होतील. एकमेकांसोबत वेळ घालवताना मनःशांती मिळेल. आरोग्यही चांगले राहील, त्यामुळे आत्मविश्वास दुप्पट होईल.
शनी–बुधाचा हा शतंक योग प्रत्येकासाठी सारखा परिणाम देत नाही, पण ज्यांच्या राशींवर त्याचा शुभ प्रभाव आहे, त्यांच्यासाठी हा काळ आयुष्याला नवी दिशा देणारा ठरू शकतो. मात्र, फक्त ग्रहांवर विसंबून न राहता, मेहनत, संयम आणि योग्य निर्णय घेतले, तर हे योग अधिक फलदायी ठरतात. नशीब साथ देत असलं, तरी पाऊल टाकायचं आपल्यालाच असतं… तुमची रास यामध्ये आहे का? असल्यास ही माहिती इतरांनाही नक्की शेअर करा.