मुंगूसाला संपवताच किंग कोब्राचा ‘विजय नृत्य’; व्हिडिओ पाहून नेटकरी थक्क..

Snake Viral Video: साप आणि मुंगूस यांच्यातील वैर काही नवीन नाही. जंगलात या दोन प्राण्यांचा सामना झाला, की संघर्ष अटळ असतो. अनेक वेळा निडरपणे कोब्रावर झडप घालणारा मुंगूस जिंकतो, तर कधी कोब्राही आपली ताकद दाखवतो. मात्र नुकताच सोशल मीडियावर व्हायरल झालेला एक व्हिडिओ पाहून नेटकरी अक्षरशः थक्क झाले आहेत. या व्हिडिओत किंग कोब्राने मुंगूसावर विजय मिळवल्यानंतर जो प्रकार केला आहे, तो याआधी कधीच पाहायला मिळाला नव्हता. मुंगूसाला मारल्यानंतर कोब्रा जणू काही आनंदाने नाचत असल्याचं या व्हिडिओत स्पष्ट दिसत आहे.

व्हिडिओत नेमकं काय घडलं?

व्हायरल होत असलेल्या या व्हिडिओमध्ये जमिनीवर एक मुंगूस मृतावस्थेत पडलेला दिसतो. त्याच्याच शेजारी किंग कोब्रा मोठ्या ऐटीत उभा असून आपल्या विजयाचा आनंद साजरा करत असल्याचा भास होतो. कोब्रा सतत आपल्या शरीराला वळण देत, डोलत आणि मुंगूसावर पुन्हा पुन्हा वार करताना दिसतो. मुंगूसाचा खातमा झाल्यानंतर कोब्राच्या हालचाली पाहून अनेकांना आश्चर्याचा धक्का बसला आहे. साधारणपणे शिकार केल्यानंतर शांत राहणारा साप इथे मात्र वेगळ्याच अवतारात दिसतो. हा ‘विजयाचा डान्स’ पाहूनच हा व्हिडिओ तुफान व्हायरल झाला आहे.

सोशल मीडियावर प्रतिक्रिया काय?

हा व्हिडिओ एक्स (पूर्वीचे ट्विटर) वरील @sk_sharma21 या अकाऊंटवरून शेअर करण्यात आला आहे. काही तासांतच या व्हिडिओला लाखो व्ह्यूज मिळाले असून हजारो युजर्सनी प्रतिक्रिया दिल्या आहेत. Snake Viral Video

व्हायरल व्हिडिओ पाहण्यासाठी येथे क्लिक करा

एका युजरने लिहिले,

“मुंगूस आधीच मरून पडलेला आहे, तो जिवंत असता तर कोब्राची काही खैर नव्हती.”

तर दुसऱ्या युजरने म्हटलं,

“साप आणि मुंगूस यांची शत्रुत्वाची कथा खूप जुनी आहे, प्रत्यक्ष आयुष्यातही आणि चित्रपटांमध्येही.”

आणखी एका युजरने कमेंट केली,

“दोघेही जन्मजात शत्रू आहेत, यात काही नवीन नाही.”

निसर्गाचा थरारक खेळ

जंगलातील हे दृश्य निसर्ग किती अनपेक्षित आणि थरारक असू शकतो, याचं जिवंत उदाहरण आहे. कधी मुंगूस जिंकतो, तर कधी कोब्रा. मात्र विजय मिळवल्यानंतर कोब्राने अशा प्रकारे आनंद साजरा केल्याचं दृश्य दुर्मीळच म्हणावं लागेल.

टीप : हा व्हिडिओ सोशल मीडियावर व्हायरल झाला असून या घटनेबाबत आम्ही कोणताही दावा करत नाही. वाचकांपर्यंत माहिती पोहोचवण्याच्या उद्देशानेच हा लेख सादर करण्यात आला आहे.

अश्याच नवनवीन माहितीसाठी आमच्या व्हाट्सअप ग्रुपला जॉईन करा